Haradinaj dhe ambasadori gjerman diskutojnë për tejkalimin e bllokadës politike

16:43 | 10 Korrik 2025
E.K

Kryetari i Aleancës për Ardhmërinë e Kosovës, Ramush Haradinaj, sot priti në zyrat e partisë ambasadorin gjerman në Kosovë, Jörn Rohde.

Gjatë takimit u diskutua për zhvillimet aktuale në vend, me fokus të veçantë situatën e krijuar pas zgjedhjeve parlamentare të fundit.

Haradinaj, në një postim në Facebook, theksoi se në këtë takim ka rikonfirmuar përkushtimin e tij dhe të Aleancës për Ardhmërinë e Kosovës për gjetjen e një zgjidhjeje që do të mundësojë tejkalimin e bllokadës politike që po zgjat prej disa muajsh, me synim konstituimin e Kuvendit dhe formimin e institucioneve të reja.

Ai gjithashtu falënderoi ambasadorin Rohde për angazhimin e vazhdueshëm dhe për mbështetjen e palëkundur të Gjermanisë ndaj Kosovës dhe rrugëtimit të saj euroatlantik./Arbresh.info